Elkarrizketa

Hona hemen Miren Goikoetxea palistari egindako elkarrizketa. Txikitatik hasi zen euskal pilotan eta oraindik darrai, nahiz eta urteak igaro, ilusio berarekin jarraitzen du jokatzen. Hori da Bams Eskolak lortu nahi duena, emakumeen artean pilota sustatzea eta gustura eta ilusioz aritzea kirol honetan urte askotan zehar.

1. Zerk bultzatu zinduen euskal pilota aukeratzera? 

Txikia nintzela anaiarekin eta gurasoekin asko joaten nintzen frontoira pala hartuta, ondoren Hernanin palako kluba zegoela esan zidaten eta gustatzen zitzaidanez bertan apuntatu nintzen. 

2. Beste kirolik egin al duzu? 

Euskal pilotaren barruan ezker horma eta trinketea egiten ditut, horrez gain astean bi edo hirutan korrika egitera edo igeri egitera joaten naiz. Asko gustatzen zait kirola egitea. 

3. Nola ikusten duzu emakumea eta kirolaren egoera? Eta zehazki pilota eta emakumearena? 

Ez dut oso egoera onean ikusten emakumea eta kirolaren egoera, hasteko oso emakume gutxik egiten dugu kirola eta ordutegiari dagokionez, ordu txarrenetan nesken partidak jartzen dituzte. Sariei dagokienez, desberdintasun nabariak nabaritzen dira.  

4. Hobetzeko zerbait egin daitekeela uste duzu? Non uste duzu dagoela hutsunerik handiena? 

Hobetzeko laguntza gehiagoren beharra dagoela esango nuke, komunikabideek propaganda gehiago eginez. Adibidez festetan dauden herrietan partidak jartzea ondo legoke. 

Hutsunerik nagusiena emakume eta gizonezkoen arteko desberdintasunean dagoela iruditzen zait, izan ere honen ondorioz emakumeak 14-15 urtera iristean beste kirol batzuetara jotzen dute. 

5. Eskuz ibiltzeak inoiz tentatu al zaitu? 

Palan ibiltzen garen nesken artean oso modan jarri da eskuz ibiltzea, baina hala ere niri ez dit deitzen.  

6. Zein dira palaren alde onak eta txarrak? 

Alde onei dagokionez, oso giro ona dagoela esan beharra dago, pala munduan gabiltzan denak ezagutzen gara eta herri asko ezagutu ditugu kirol honi esker. Horrez gain, gutxi batzuk bidaiatzeko aukera izan dute munduko txapelketetara.  

7. Bukatzeko, palan hasi edo ez dudan dabilen emakumeari zer esango zenioke? 

Oso kirol polita dela esango nioke, gustuko duzun moduan osasuntsu mantentzeko baliagarria da, denbora pasatzeko eta baita jendea ezagutzeko ere.

Honez gain aipatu "Creating and maintaining social networks: women's participation in Basque pilota" artikuluak ematen dizkigun datuak:

Artikulu honetan, estudio etnografiko baten emaitzak agertzen dira non euskal pilotan jokatzeak eratzen dituen erlazio sozialak azaltzen diren. Ikerketa hau 28 emakume heldurekin egin zen (22-60 urte bitartekoak), hauetatik 26 aisialdiko programa bateko partaideak ziren eta 2 entrenatzaileak. Emaitzek azaltzen dute partaideentzat garrantzitsuena komunitate sentimendua, talde bateko kide izatea eta taldeak ematen dizun seguritatea direla. Komunitatea da kirol hau praktikatzeko arrazoi nagusia, taldea baita lehentasun nagusia. Emakume pilotariak euren artean erlazionatzeko gogoa, erlazioak eratzeko desioa eta elkar laguntza partekatzen dute.